TR _ Dowa Makha

طنز

محمود نظری

 

 

دوه مخه سیاست

 

لوچک ماشوم ته چپلاخه په کار ده

پند او ورم د چپلاخې ځای کله نیسي

دا د پخوانیو خبره ده  بیخي میخي سمه

بې شاربولو  ډکه غړکه کوچي کله نیسي

دهر شی نسل ا و ذات لیدل په کار دي

بې ثمره ونه  میوه  دانه کله نیسي

وطن کې ازاد مشر په کار دی مه غولیږه

دبل مریی دازادي جنډه لاس کې کله نیسي

***

د افغانستان ځیني کامونه او د انګریز  ځیني توران

له شپږې څخه په مظاهرو  کې باجه خانه جوړوي

د دنیا زورواکه هیوادونه په دې خواره  دنیا کي

دهر بشري کار ضد  سمه  دمه جبعه خانه جوړوي

اسراییل وه فلسطین ته او امریکا  وه مسلمانانو ته

په ټوله دنیا کې په ښکاره  اسباب د سکنجه جوړوي

د اسیا اسراییل او د دنیا امریکا یي سیاستمدارن

 اوس د سپنو کوتروپه بڼ کي دکارغانو ځاله جوړوي

سوله په دنیا کې هیڅکله راتلای نسي تر هغه پورې

چې امریکا و دنیا ته خپل سیاستونه دوه ګانه جوړوي

 

دافغانستان سیاستمدارن بیا ګوره  چې تل درواغ وایي

یوازې د مقام له پاره هر ګړۍ یوه غلطه افسانه جوړوي

واک ته یو ګړی مسلمان سي کلیمه وایي بل ګړی زنار تړي

کله له ځانه نر نارینه کله هم نڅا ګره زنانه جوړوي

هغه څو خاین پښتانه  وکیلان مو په یاد  دي کنه

ان ویل  یې ولي دا څو وزیران د کابینې پښتانه جوړوي

ځینې ځانګړې کامونه  یوازې خپل کام ته خدمت کوي

داسې خلک هم خاینان دي یوازې  یوالي ته ایماله جوړوي

ځینې دولت  ته په دو لاسونو خپله خپرې سرې غالۍ کړې

چې ټس سي  بیاپه خبرو له ارګ څخه بوینه طویله جوړوي

ځینې قومي غله خاینان بیا  د دې ناټکي باټکي دولت  ګوره

ټولو افغانانو  ته له خپلو څوغلوڅخه  باورتخانه جوړوي

هر مقام لري د سلو ډیر  یوازي د خپل کام کرکجن سلاکاران

داکار  یې بیا دې  واحد وطن ته د وحدت بشکوله جوړوي

یوازې یو لوی مقام ته دوه پک سلاکارن بس دي بس

دولت په دې کار  له هر مقام  څخه دښکرورو هډه جوړوي

دا وار د ارګ لپاره  په خاینانو توکل نه په خدای کړه  غنی

خیر که غله او  خاینان ستا ضد یو دولت ګډوله جوړوي

 خلک او س په ښه او بدو ښه پوهیږي غم مه کوه غنی

دا لیوان بیا ستا له  دولته څخه  چاري پسه  جوړوي

اې کاندیده مه شرنګاوه  دا دغلو د خوشحالولو  جرنګاني

په دې کارو  اوس هر کاندید د ملت ټپ ته توده مشکوله جوړوي

بشکوله ( مصیبت )